Nagpadayon pa sa pagproseso sa negosasyon ang Piliinas kabahin sa mga taripa sa Estados Unidos, matod ni Presidente Ferdinand “Bongbong” Marcos Jr. niadtong Sabado, Nobyembre 1 pipila ka adlaw human miuyon si Presidente Donald Trump sa US nga pagaanon ang mga buhis batok sa daghang mga nasud sa Southeast Asia.
Sa sayo pa, gipahibalo ni Trump nga gipakunhod sa US ang mga buhis batok sa Malaysia, Thailand, Cambodia, ug Vietnam baylo sa pagwagtang sa mga taripa batok sa halos tanang mga produkto sa Amerika.
Wala na gidetalye ni Marcos Jr. ang negosasyon sa taripa apan gihimug-atan niini ang mga duha ka nasud kay dili na kinahanglan magtagbo alang sa usa ka bilateral talks tali niya ug ni Trump.
Niadtong Hulyo 2025, gipakunhod sa Estados Unidos ang mga taripa nga gipahamtang batok sa Pilipinas human nga ablihan sa nasud ang merkado niini sa pipila ka sektor sa US nga walay trade dues.
Gawas sa pagtangtang sa mga taripa sa mga produktong sakyanan, miuyon ang Pilipinas nga mopalit og dugang mga produkto gikan sa Estados Unidos aron matabonan ang trade deficit tali sa duha ka nasud.
