Naglagdaay sa usa ka memorandum of agreement sa pagpasiugda sa programang Blood Samaritan ug SafeCard Registration ang Kagamhanang Lalawigan sa Sugbo ug ang Philippine Red Cross sa Cebu Provincial Capitol niadtong adlawng Sabado, Septiyembre 20, 2025.
Gipangunahang ang maong paglagdaay nilang ni Cebu Governor Pamela “Pam” Baricuatro ug ni PH Red Cross Chairman ug CEO Richard “Dick” Gordon ug ubang opisyal sa maong organisasyon.
Ang kasabutan kay naglatid sa duha ka programa sa Blood Samaritan diin nagbalur kini sa P2-milyones aron sa pagdalit og libre ug accessible nga blood units para sa mga indigent patients nga nagtinguha kini sa pagpakunhod sa ihap sa mga nangamatay nga mga pasyente tungod dili makapalit og dugo para sa blood transfusion.
Laing programa kay mao ang SafeCard Registration diin makabenepisyo kini sa 1,011 ka mga indibidwal sa pundong P1.21-milyones diin nagsiguro sa access sa emergency assistance ug humanitarian support sa panahon sa panginahanglan.
Gipasalig sa PH Red Cross ang pagpalambo niini sa blood supply distribution sa tannag government hospital sa probinsya sa Sugbo aron masiguro ang gikinahanglang blood reserves sa mga tambalanan.
Sa iyang bahin, mipadangat og pasalamat ni Gov. Baricuatro sa PH Red Cross sa pagserbisyo niini diin lakip sa iyang gihimug-atan ang importansya sa serbisyong pampublikong panglawas ubos sa iyang administrasyon.
