Nagtuo si Presidente Ferdinand Marcos Jr. nga kon hatagan ang Pilipinas og higayon nga mahimong miyembro sa United Nations Security Council (UNSC), ang papel niini dili lamang alang sa kaugalingong interes sa nasud apan alang usab sa kaayohan sa ubang mga kanasuran.
Mao kini gipahibalo ni Palace Press Officer USec. Claire Castro.
Gidugang sa opisyal sa Palasyo nga ang tingog ug katuyoan sa nasud mao ang pagpalambo sa internasyonal nga kaluwasan, kalinaw, ug seguridad uban sa ubang mga estado nga miyembro sa United Nations.
Miingon siya nga ang Pilipinas mahimo usab nga maghisgot sa kaugalingon nga mga isyu bahin sa nasudnong seguridad sa Security Council.
Nangita usab ang Pilipinas og dili permanente nga lingkuranan sa United Nations Security Council alang sa termino sa 2027–2028, nga ang eleksyon gikatakda sa Hunyo 3, 2026.
Isip ang pangunang organo sa United Nations nga gitahasan sa pagmintinar sa internasyonal nga kalinaw ug seguridad, ang UN Security Council nagdumala usab sa mga sitwasyon nga nanginahanglan og mga operasyon sa pagpadayon sa kalinaw sa lainlaing mga bahin sa kalibutan.
