Nagbangutan ang tibuok Philippine sports community sa kamatayon sa two-time SEA gold medalist nga si Mervin Guarte, 32-anyos kinsang gidunggab-patay niadtong Lunes sa Calapan, Oriental Mindoro.
Giila si Guarte nga usa sa mga pioneer sa obstacle course racing sa nasud, usa ka haligi sa Pilipinas Obstacle Sports Federation diin ang iyang kalit nga pagkamatay nagbilin og usa ka dako nga kahaw-ang sa sport nga iyang gitabangan nga mapataas sukad sa pagsaka niini kaniadtong 2018.
Basi sa taho sa kapulisan nga gidunggab kini sa iyang dughan samtang nagpahuway sa sala sa ilang balay.
Ingon man nga nakahimo pa kini og panawag og tabang ug daling gidala sa tambalanan.
Pinangulohan sa Presidente sa Pilipinas Obstacle Sports Federation nga si Alberto Agra, ang pagbangutan sa pagtaliwan ni Mervin Guarte.
Mibubo usab ang kasubo sa kabanay ug pamilya sa biktima ug lakip sa mihatag og pahasubo ang pipila ka inilang mga atleta nga sila si Olympic boxing medalists nga sila si Eumir Marcial ug Nesthy Petecio ug ang sikat nga pole vaulter nga si EJ Obiena.
