CENTRAL VISAYAS-Gihulagway sa Philippine Coast Guard Central Visayas nga ‘generally peaceful’ ang ilahang mga pantalan sa walo ka mga coast guard station sa rehiyon 7 niadtong semana santa.
Gipahibalo ni Coast Guard Ensign McGringo Recebedo, ang Assistant Director sa Coast Guard Command Center Central Visayas, nga sukad ilahang gipasaka ang heightened alert niadtong Abril 2 hangtud karung alas 12 sa kadlawon, Abril 11, kay wala man sila’y natala nga mga untoward incidents.
Matud pa, daghang mga personnel sa PCG ang nakatutok sa ilahang tagsa-tagsa ka mga coast guard station kinsang andam nga mo respondi kung ugaling adunay mga emerhensiya nga nagkinahanglan sa ilahang respond team.
Hinuon, gitino ni Recebedo nga wala may mga byahe nga nalangay o nasuspenso hinungdan nga ‘smooth’ lang ang dagan sa tanan.
Karung alas 12 sa kadlawon, giingong ilaha nang ilibkas ang heightened alert ug balik na sa normal ang ilahang operasyon.
