Nakadala ang mga weightlifter sa nasod ug lima ka gold medal sa International Weightlifting Federation (IWF) Youth and Junior World Championships, nga gipahigayon sa Lima, Peru.
Nag-una si Jay-R Colonia sa Zamboanga City, nga nakalangkat og duha ka gold medal sa clean and jerk, ug usa ka silver medal sa snatch sa Youth men’s 49 kilogram category.
Matud pa ni Colonia nga wala gyud siya maghuna-huna nga makadaog siya og gold medal tungod kay kini ang iyang unang higayon nga mosalmot sa internasyonal nga kompetisyon.
Nadaog sab ni Alexsandra Ann Diaz sa Zamboanga City ang gold medal, nga nanghawod sa Youth women’s 45 kg. agaw ug total ug ikatulo sa clean and jerk.
Samtang ang Sugbuanong si Althea Bacaro milangkat og laing gold medal sa Youth women’s 40 kgs snatch category, ug nakadaog usab og silver medal, ug bronze sa clean and jerk.
Sa laing bahin, si Zamboaguena Angeline Colonia, midala og silver medal sa snatch ug bronze medals sa Junior women’s 45kgs, ug ikaupat sa clean and jerk.
Karong Biyernes, si Rosalinda Faustino sa Zamboanga makigtigi sa Junior women’s 49 kgs.,ug si Jhodie Peralta sa Youth/Junior women’s 55 kg, samtang si Albert Ian Delos Santos sa Junior men’s 67 kgs.(BOMBO IRENE ARDIENTE)
