Nipasidaan Ang Philippine Space Agency (PhilSA) kabahin sa posibleng pagkahulog sa mga debris gikan sa Long March 7A rocket nga gilusad sa China.
Matod sa ahensya, posibleng makamugna kini og peligro sa mga barko sa dagat sama sa mga bangka, ug eroplano nga moagi o mag-operate sulod sa 64 nautical miles sa area sa Dalupiri Island, Norte, Cagayan ug Ilocos.
Gihisgotan usab sa ahensya nga adunay posibilidad nga maanod ang mga debris paingon sa baybayon.
Giila sa PhilSA nga ang mga debris gikan sa rocket nga posibleng nahulog sa kadagatan sa PH mao ang booster ug fairing.
Bisan og wala gipaabot nga moigo ang mga debris sa mga residential areas, ang PhilSA nipasidaan nga posibleng makahatag gihapon kini og peligro sa mga Pilipino tungod kay adunay makahilong kemikal kini sama sa rocket fuel.
Hinungdan nga giawhag niini ang publiko nga likayan ang bisan unsang pamaagi sa posible nga mga materyales gikan sa rocket ug i-report dayon ang bisan unsang debris nga makit-an sa lokal nga awtoridad.
