GIHIMAKAK sa top official sa state volcanology and seismology bureau ang mga pangangkon nga napakyas sila sa pagpasidaan sa publiko bahin sa pagbuto sa Mount Kanlaon.
Diin matud pa nga sukad niadtong 2023, ang Philippine Institute of Volcanology and Seismology (Phivolcs) nag-isyu ug mga advisories ug cascading reports ngadto sa mga hingtungdan nga ahensya sa gobyerno, lakip na ang mga lokal nga gobyerno, mahitungod sa ‘abnormal’ nga kalihokan sa bulkan sa Kanlaon.
Gani, sumala pa nga ilang gipaalerto ang mga buhatan sa nasudnong kagamhanan niadtong Mayo 26 ug ang mga local government units (LGUs) duol sa Kanlaon nga magmabinantayon human makatala og labing menos 24 ka linog niadtong adlawa.
Ingon man nga girekomendar sa bureau ang mga LGUs sa pagsiguro nga walay makasulod sa upat ka kilometro nga permanent danger zone.
