PHIVOLCS, walay namatikdan nga hulga sa tsunami human ang kusog nga linog nga magnitude 7 sa Peru

Walay nakitang hulga sa tsunami sa atong nasud ang Philippine Institute of Volcanology and Seismology (Phivolcs).

Kini human niigo ang kusog nga magnitude 7 nga linog ala 1:37 sa hapon niadtong Hunyo 28 (oras sa PH).

Sumala sa ahensya, walay makita nga hulga sa usa ka katalagman nga tsunami base sa anaa nga datos, busa walay angay nga aksyon nga buhaton.

Dugang pa nga gipasabot sa Phivolcs nga ang tsunami mao ang sunodsunod nga mga balod sa dagat nga kasagarang mugna sa mga linog sa ilawom sa dagat ug moabot sa gitas-on nga kapin sa 5 metros.