Andam ang Pilipinas sa epekto sa kausaban sa mga palisiya sa pamatigayon sa Estados Unidos.
Kini ang gipasiugda sa Bangko Sentral ng Pilipinas, nga nag-ingon nga ang nasud anaa sa lig-on nga posisyon alang sa bisan unsang epekto niini kanato.
Matod ni BSP Deputy Governor Ronald Abenoja, ang Pilipinas andam sa bisan unsang external shocks tungod sa tulo ka gitawag nga “buffers.”
Gipasabot sa opisyal nga aduna kitay igong international reserves, usa ka stable nga banking system ug ang BSP’s easing of monetary policy nga nakatabang sa paglambo sa ekonomiya sa nasud.
Gihimo ni Abenoja ang pahayag sa 20th Annual Congress sa Professional Insurance and Financial Advisors Association of the Philippines.
Basi sa datus sa US Trade Representative, niabot sa 23.5 bilyones dolyares ang balor sa patigayon tali sa Pilipinas ug Amerika sa miaging tuig.
