Gikumpirma sa Department of Foreign Affairs (DFA) nga miapil ang Pilipinas sa walkout sa United Nations General Assembly atol sa pakigpulong ni Israeli Prime Minister Benjamin Netanyahu niadtong Huwebes.
Matod ni DFA spokesperson Analyn Ratonel, ang maong lakang nagpakita sa panawagan alang sa kalinaw sa Middle East ug sa paghunong sa mga aksyon nga makababag sa proseso sa kalinaw.
Gipahayag usab sa DFA ang dakong kabalaka sa nagkagrabe nga krisis sa Gaza, ang pagduso sa Israel sa E1 settlement plan, ug ang nagpadayong kapintasan sa West Bank.
Bisan pa niini, mipadayon ang Pilipinas sa pagsuporta sa two-state solution isip paagi sa pagkab-ot sa usa ka malungtaron nga solusyon sa panagbangi sa Middle East.
Samtang, napulo ka mga delegasyon ang migawas sa hawanan sa dihang nagsugod si Netanyahu sa iyang pakigpulong.
Gitawag niya ang mga miapil sa protesta nga “moral cowards.”
Ang maong walkout nahitabo sa ikatulong sunod-sunod nga tuig atol sa pakigpulong ni Netanyahu sa UN General Assembly.
