Nagpabilin nga anaa sa low risk status ang Pilipinas alang sa COVID-19, matud pa sa Department of Health (DOH).
Basi sa datos niadtong Mayo 27, anaa lang sa 14% ang gitagana nga COVID-19 ICU bed ang okupado samtang anaa sa 15% sa kinatibuk-ang COVID-19 beds ang kasamtangan nga gigamit.
Sa mga kritikal o anaa sa seryoso nga kondisyon, anaa lang sa 185 o 10% sa kinatibuk-ang admissions ang naka-admit sa mga tambalanan.
Matud sa DOH, ang average number sa daily reported cases gikan sa Mayo 21 hangtud sa 27 kay anaa sa 319, mas taas kini itandi sa nakalabay nga semana nga anaa lang sa 202.
Apan mas ubos sa gihapon kini itandi sa natala sa pagsugod sa 2024 ug sa tunga-tunga nga bahin sa Mayo sa nakalabay nga tuig.
Gikan sa bag-ong mga kaso alang sa naasoy nga semana, 22 ang severe o anaa sa critical condition.
Apan, adunay 20 ang namatay kung diin 5 ang nahitabo sa 2 ka semana, gikan sa Mayo 14 hangtud sa Mayo 27.
Samtang, wala may ebidensya pa sa pagkakarun nga nakamugna og severe hangtud sa critical COVID-19 ang FLIRT variants nga na-detect gihapon sa Pilipinas.
