Subling nalakip sa ikawalong higayon ang Pilipinas sa top 10 list sa worst countries sa mga trabahante, matod pa sa Brussels-based International Trade Union Confederation (ITUC) ug gihisgutan ang red-tagging ug pagpatay sa Filipino labor unionists.
Sa 2024 Global Rights Index, gihatagan ang Pilipinas og score nga 5 nga nagpasabot nga “No Guarantee of Rights.”
Kauban sa Pilipinas sa top 10 worst countries sa mga trabahante karong 2024 kay mao ang Bangladesh, Belarus, Ecuador, Egypt, Eswatini, Guatemala, Myanmar, Tunisia, ug Turkiye.
Samtang nanawagan usab ang Philippine affiliates sa ITUC nga mao ang Federation of Free Workers, KMU, SENTRO, ug ang Trade Union Congress of the Philippines (TUCP) sa Philippine government, partikular na sa Department of Labor and Employment (DOLE) nga mosunod sa panawagan batok sa dili makatarunganon ug ‘oppresive labor relations’ lakip na ang kahimtang sa trabaho nga nakapahimo sa Pilipinas nga 10 worst countries sa mga trabahante.
