Nalakip ang Pilipinas sa mga nasud nga nag-unang namalit og mga aircraft ug uban pang kagamitan sa depensa gikan sa Estados Unidos.
Kini basi sa datos gikan sa Abril 2023 hangtod sa Marso 2024.
Niining panahona, ang US aircraft ug defense exports sa Pilipinas niabot sa total nga $348.6 million.
Diin ika-17 sa kinatibuk-ang listahan sa mga nasud nga top buyer sa pagpalit og mga armas ug ayroplano gikan sa naasoy nga dapit.
Basi sa datos gikan sa US Department of Commerce’s Industry and Analysis-Aerospace Office ug sa US Commercial Service, nakabaligya ang US og total nga $282.4 milyon nga kantidad sa mga civil aircraft ug uban pang mga piyesa.
Ug ang nahabilin nga $66.2 milyon gipalit alang sa ubang kagamitan sa depensa.
Samtang, gawas sa Pilipinas, giila usab sa US ang mga nasud sa Australia, Brunei, Canada, Indonesia, Japan, Malaysia, Mexico, New Zealand, Vietnam, ug uban pa nga nag-unang merkado alang sa US civil aerospace ug defense exports.
