Pilot patay human nahagsa ang firefighting helicopter nga mirespondi sa Uiseong wildfire

Patay ang usa ka piloto samtang nakigkumbati sa dakong sunog sa habagatan-sidlakang lalawigan sa Uiseong sa South Korea human nahagsa ang gisakyan niini nga firefighting helicopter.

Ang helicopter milugsong sa usa ka bukid sa Uiseong, nga nahimutang mga 180 km habagatan-sidlakan sa Seoul ug ang 73-anyos nga piloto gideklarar nga patay kung diin kini nahagsa.

Gitukod niadtong 1995, ang S-76 helicopter nga makahimo sa pagdala og 1,200 ka litro nga tubig ug anaa na sa serbisyo sulod na sa 30 ka tuig.

Hinungdan nga gi-ground sa Korea Forest Service ang tanang firefighting helicopter human sa pagkahagsa.

Sa pagkakaron, padayon pa ang gihimo nga imbistigasyon aron sa pagsuta sa insidente.