Nagpahigayon og press briefing si House Committee on Appropriations Chairperson ug Nueva Ecija 1st District Representative Mikaela Suansing aron ipasabot ang mga detalye sa House-approved P6.793-trillion 2026 General Appropriations Bill (GAB).
Dinhi, iyahang gipasiugdan nga ang edukasyon nagpabiling pinakauna nga prayoridad sa pondo.
Matod ni Suansing, makadawat og P1.28 trilyon ang sektor sa edukasyon, mas dako kaysa sa P1.224 trilyon nga unang gisugyot ubos sa executive-submitted National Expenditure Program (NEP).
Dugang pa niya, kini nagrepresentar sa pinakadako nga alokasyon sa edukasyon sa kasaysayan sa Pilipinas, nga katumbas sa 4.1% sa gross domestic product (GDP) sa nasud.
Sa pikas bahin, nipasalig kini nga walay pork barrel funds sa 2026 national budget.
Matod niya nga ang budget gigahin sa saktong panginahanglanon sa katawhang Pilipino.
