Pinakadakong pool party sa tibuok kalibutan alang sa mga iro, gihimo sa Florida Park

Nag-host og pool party alang sa 277 ka mga iro ang usa ka parke sa Miami, Florida aron sulayan ang pagbuak sa usa ka Guinness World Records title.

Gi-host kini sa Chewy Summer Social, usa ka pet supply company, sa Chewy Bark Park, kansa parte lang sa Underline linear park sa Coral Gables, diin gitapok ang 277 ka mga iro nga aduna’y nagkalain-laing klase aron muhumol sa kiddie pools.

Usa ka Guinness World Records adjudicator ang present sa maong kalihukan ug maoy mi-ihap sa mga mi-apil nga iro.

Matud sa mga organizers, igo ang maong ihap aron matakda ang bag-ong Guinness World Record alang sa pinakadakong dog pool party sa tibuok kalibutan.