Sikat ang Chonquing City sa China tungod sa nagkada-iya niining terrain ug complex infrastructure system kondiin na-feature na kini isip adunay deepest subway station sa tibuok kalibutan, usa ka suspended train track nga mu-agi diretso sa mga residential buildings ug karon gi-ila na usab nga dunay longest outdoor escalator system sa kalibutan.
Ang Wushan Goddess Escalator, mao ang pinakabag-ong nga infrastructural marvel sa Chongqing kansang adunay 21 ka mga escalators, 8 ka elevators, upat ka mga moving walkways, duha ka pedestrian bridges, ug duha usab ka mga overpasses, diin gidesenyo aron makadaginot sa oras tali sa upper ug lower sections sa Wushan County sa Gaotang area sa Wushan County gikan sa usa ka oras ngadto sa 20-minutos na lang.
Ang height difference tali sa ubos ug taas nga bahin sa Wushan Goddess Escalator, anaa sa 242-metros bugti sa 80-ka andana nga building apan ang outdoor escalator system adunay gilapdon nga dul-an usa ka kilometro kon 905 metros.
Sugod niadtong Pebrero 17 ning tuiga, ang Wushan Goddess Escalator misulod sa usa ka paid trial period, kondiin ang matag-pasahero, mubayad og 3-yuan kada-sakay.
Gilaumang mapalambo sa Wushan Goddess Escalator ang efficiency ug kakomportable sa pagbiyahe sa mga residente sa Chongqing.
