Nakatala og pinakaubos nga budget deficit niadtong 2024 sukad ang COVID-19 pandemic miigo sa nasud.
Mao kini ang gipaambit ni Department of Budget and Management (DBM) Secretary Amenah Pangandaman.
Diin ang budget deficit nagpasabot nga ang gobyerno mogasto labaw pa sa kinitaan.
Sa usa ka pamahayag, ang kalihim mitaho nga ang budget deficit mikunhod ngadto sa P1.506 trilyon o katumbas sa 5.7% sa gross domestic product (GDP) sa nasod.
Matod niya nga nagpakita kini og pag-uswag gikan sa 6.2% nga budget deficit nga natala niadtong 2023 ug lapas pa sa gilauman nga revenue ug spending performance.
Dugang pa ni Sec. Pangandaman nga ang budget deficit sa 2024 maapil sa fiscal outlook sa Development Budget Coordination Committee (DBCC) sa ilang kataposang tigom.
Matud pa sa kalihim, kining maayong performance nagpakita sa pag-uswag sa atong nasud ubos sa socioeconomic agenda ug pagpalig-on sa posisyon sa nasud isip usa ka dinamikong emerging economy sa Asia-Pacific region.
Tungod niini, si Sec. Gilauman nga ang mga economic managers sa nasod magpabiling pasalig sa dugang pagpalig-on sa fiscal consolidation samtang nag-una sa long-term investments sa importanteng sektor sama sa imprastraktura, edukasyon, ug healthcare para sa padayon nga pagbangon sa atong ekonomiya.
