Sa pinakabag-o nga ranggo sa WTA nga gipagawas, nius-os ang ranking sa Filipina tennis star Alex Eala sa Womens Tennis Association (WTA) diin, anaa na siya sa ika-69 nga ranggo gikan sa niaging 56th rank niini.
Ang giingon nga pag-ubos sa ranggo mahimong naapektuhan sa hapit usa ka bulan nga wala’y dula pagkahuman sa iyang European clay ug grass campaigns.
Ang 20-anyos nga si Pinay Tennis star nagkanayon nga gikatakda siyang moduwa sa National Bank Open sa Montreal, Canada nga magsugod sa Hulyo 26 hangtod Agosto 7.
Ang National Bank Open pagatambongan sa mga sikat nga magdudula sa tennis sama nila Aryna Sabalenka sa Russia, Coco Gauff ug Jessica Pegula sa US ug daghan pa.
Kini maoy magsilbing preparasyon ni Eala sa umaabot niyang pagsalmot sa US Open nga magsugod sa Agosto 24 hangtod Septiyembre 7 sa New York.
