Napakyas nga makaikyas ang usa ka lalaki nga piniriso sa Brazil human nga ang iyang gihimo nga buslot gamit ang lansang ug gunitanan sa silhig, dili pa diay igo sa iyaha.
Nakit-an nalang nga nagbuy-od sa usa ka konkreto nga bongbong si Alan Leandro da Silva, 29-anyos kinsang migugol og duha ka adlaw sa pagbuslot sa bongbong.
Nagtuo nga ang lungag nga iyang gikulit igo na ang gilapdon, hinungdan nga iya kining gisuwayan apan, na-ungot man kini ug dili na makagawas.
Sa dihang nabantayan sa mga guard ang paglihok sa selda sa lalaki niadtong Hunyo 16, sa wala pa nanawag sa mga bombero aron tabangan si da Silva.
Gihinay-hinay kini og kuha sa fire department aron masiguro nga dili kini maangol hilabi na nga naghukas ra kining misuway sa iyang ‘ikyas-pakyas operation.’
