Cebu City- Mag-atubang ug kasong murder ang usa ka piniriso sa Cebu Provincial Detention and rehabilitation Center kon CPDRC human niini mapatay ang iyahang kaubang preso.
Ang biktima mao si Joebert Talabroso kinsang residente sa Brgy Bato sa lungsod sa Badian samtang suspek ang giila nga si Ronel Virao, 31 anyos ug residente sa Brgy Bato , dakbayan sa Toeldo .
Matud ni SPO1 Janice Tamayo, ang imbestigador sa homecide section sa Cebu City Police Office, nga gipuspusan ug kahoy ug gituok sa telephone wire sa suspek ang biktima .
Matud pa nga usa ka piniriso nga si Richard Panaros ang nakakita sa komosyon tali sa duruha sa dihang nakadungug kini nga dunay nangayo ug tabang .
Nasayran nga duna nay karaang panagbangi ang suspek ug ang biktima. Sa pagkakaron wala pa nakapagawas ug pamahayag ang pamunuan sa CPDRC kabahin sa insidente.
