CEBU CITY-Nakamugna og kakuyaw apan wala pa usa’y direktiba ang barangay sa ilang ginsakopan sa pagkakaron.
Kini ang gibutyag ni Barangay Pahina Central Public Safety Officer (BSPO) Lito Jimenez taliwa sa N-Cov Scare.
Matud pa niini sa dihang nahinabi sa Bombo Radyo Cebu News Team atol sa tulumanong Bombo Baranggayan nga nag-ampo nalang sila nga dili mukatap pagmaayo ang maong virus. Gibutyag usab niini nga sa pagkakaron wala pay lakang o direktiba ang barangay agi og paglikay sa maong virus gumikan kay dili usab nila boot nga makamugna og dakong panic.
![](https://img.bomboradyo.com/cebu/2020/02/83341557_2337194403237412_3039953332140507136_n.jpg)
Dason ni Jimenez nga agi og pakabana, mismo siya isip public safety officer mutabang nalang sa pagbantay og pagdetek kung dunay gihambin ang usa ka tao sa ilang barangay. Samtang, wala usab mando ug wala usab direktiba alang sa ilang mga health centers.
Refer to this link for the exclusive interview: https://www.facebook.com/BomboRadyoCebu963/videos/pcb.1337509113102603/1901687959963304/?type=3&theater
‘Mga Bata Priority’
Samtang sa habig usab sa Brgy. San Nicolas, gi-abisohan na matud pa ang ilang mga health workers sa pagmonitor sa maong virus ug gisugyot ang pagsul-obog mask.
Kini ang gibutyag sa panagulo sa BSPO sa barangay nga si Ariel Salamida. Gitataw niini nga ang mga bata lamang ang ilang priority gumikan kay lig-on na matud ang resistensya sa mga hamtung.
Refer to this link for the live interview: https://www.facebook.com/BomboRadyoCebu963/videos/pcb.1337509113102603/580127325872740/?type=3&theater
![](https://img.bomboradyo.com/cebu/2020/02/84647243_1420744318127784_772184933127946240_n.jpg)