PENNSYLVANIA-Gipagawas sa Federal Bureau of Investigation ang identity sa gunman nga misuway og patay kang kanhi US President Donald Trump.
Giila ang suspek nga si Thomas Matthew Crooks, 20-anyos nga taga Bethel Park, Pennsylvania.
Basi sa imbestigasyon, misaka sa rooftop ang suspek ug didto nahitabo ang pagpamusil.
Ingon man nga napatay sa mga ahente sa Secret Service ang maong suspek.
Diin ang nasangpit nga insidente misangpot sa kamatayon sa usa ka rally attendee ug duha pa ang anaa sa kritikal nga kondisyon.//
Samtang nakaangkon ang kanhi og samad pinusilan sa ibabaw nga bahin sa iyang tuong dunggan.
Sa pagkakaron, gilibutan na sa mga otoridad ang balay sa suspek sa Pennsylvania alang sa dugang imbestigasyon.
Nasayran nga ang suspek nigradwar sa Bethel Park High diin ang armas nga giingong iyang gigamit iya sa iyang amahan ug nagtrabaho sa Bethel Park Skilled Nursing and Rehab diin siya nadestino sa kusina.
Bisan og wala pa’y igong motibo ang mga otoridad apan, tataw nga ang maong insidente usa ka matang sa “assassination attempt” sa kanhi presidente.
Ang suspek kay rehistrado usab nga Republican basi sa state voter records.
