CEBU – Na-obserbahan sa mga opisyales sa dakbayan sa Sugbo nga gihimo na og negosyo ang pipila ka karsada sa syudad.
Gumikan sa maong obserbasyon, nakadesisyon ang kagamhanan nga pahimuon kini og dinaliang aksyon.
Gani, matod pa ni Raquel Arce, ang overseer sa Cebu City Prevention, Restoration, Order, Beautification and Enhancement (PROBE) team, nga gihimo og carwashanan ang pipila ka dalan sa dakbayan sa Sugbo.
Apan, gi-angkon ni Arce nga maglisud sila sa pagkompiskar sa mga motor sa maong carwash gumikan ang mga hos ra ang naa sa gawas , bisan paman og putlon kin sayon ra kaayo alang sa mga hingtungdan ang pagbalik sa ilahang negosyo gumikan barato ra ang hos.
Dili usab sila basta-basta lang makabawi sa mga motor gumikan anaa kini sa sulod sa panimalay hinungdan nga moco-ordinate kini sa Business Permits and Licensing Office (BPLO) aron pagsusi kung aduna ba kini permit ug moduol usab sa legal alang na usab sa kaluwasan sa ilahang opisina.
