-- ADVERTISEMENT --
CEBU-Nanawagan sa nasudnong kagamhanan ang Pagkakaisa ng mga Samahan ng Tsuper at Opereytor Nationwide(PISTON-Cebu) nga wagtangon ang Oil Deregulation Law ug fuel taxes o ang value added tax (VAT) ingon man excise tax sa gasolina aron makatabang sa pagpagaan sa palas-anon sa mga PUV driver ug gagmay nga mga tag-iya og prangkisa sa nasod.
Matud pa sa pangu sa PISTON-Cebu, nga si Greg Perez, kini gumikan sa sunodsunod nga pagsaka sa presyo sa gasolina.
Gidugang usab ni Perez nga kinahanglang tun-an pa sa gobyerno ang pagpatuman sa Jeepney Phaseout ug ang pagsiguro nga walay Pilipino nga matulisan sa ilang panginabuhian sa ngalan sa modernisasyon.
