Maapektohan sa massive ice storm ang gikatahong anaa sa 35 ka estado sa Estados Unidos, hinungdan nga labing menos 20 niini ang nagdeklarar na og state of emergency, ug ubay-ubay nga mga flights ang mga gipang kanselar.
Usa na niini si Marites Gredig, ang Bombo Internationak Correspondent nga anaa kasamtangan nahimutang sa Kentucky, USA.
Gikabutyag ni Gredig nga basi sa iyahang pagpanukiduki, ang epekto niining massive ice storm sa USA mao ang grabe kayo nga kabugnawon sa panahon.
Atol sa ekslusibong pakighinabi sa Bombo Radyo Cebu Newsteam kaniya, iyang gisaaoy nga nasayud na sya daan nga karong tuiga mao ang pinakabugnaw kompara sa mga milabayng tuig.
Subay usa sa 35 ka estado sa US nga gideklarang state of emergency, iyang gitino nga ang mga indibidwal nga anaa nagpuyo ana nga dapit hugot nga ginadili ang pag gawas-gawas, ug gikinahanglang magmarka og caution ugaling mag drive sa mga sakyanan.
Iyaha usab nga naasoy ang usa ka insidente kaniadto nga adunay pipila ka mga indibidwal nga naputlan og kamot tungod sa kasinatian nga na frostbite kini.
Hinuon, gikabutyag ni Gredig nga gipangandaman na kining panghitaboa usab sa mga katawhan, hinungdan nga adunay pipila usab nga nag panic buying na, hurot na ang pipila ka mga suplay sa pagkaon sama sa mga karne ug uban pa.
Kahinomdoman nga giaprobahan ni Presidente Trump ang mga deklarasyon sa emerhensya sa South Carolina ug Virginia niadtong Sabado sa buntag, nga nag-abli sa dalan alang sa federal support.
Samtang mideklarar na og state of emergency ang New Jersey gumikan sa gilauman nga dakong makaapekto sa tibuok Tri-State Area karong hinapos sa semana ang major snowstorm.
