CEBU – Gumikan sa bunok nga ulan nga nasinati sa nagkadaiyang bahin sa Sugbu gahapong adlawa adunay mga kadalanan nga nangaguba sama sa Balambanganon sa Transcentral Highly (TCH) boundary sa Brgy Sunog ug Brgy Cansomoroy, Balamban Cebu, ingun man ang dalan sa Sirao Proper ubos nga bahin sa Busay Blooms sa Barangay Sirao, Cebu City.
Subay niini, gikuhaan og habig sa Bombo-Radyo Team si Konsehal Jerry Guardo isip chairman of the committee on infrastructure sa Sugbu, kung unsay mga lakang ang ilahang gipangbuhat, ingun man ang hinungdan nga daling nangaguba ang kadalanan sa naasoyng Lugar.
Matud sa konsehal, nga ang mga kanhing proyekto nga gihimo sa kabukiran, walay mga drainage, nga nahimong hinungdan nga ang mga tubig musulod sa ilawom sa kadalanan, nga nahimong hinungdan nga mabuak ang kadalanan, ilabi na nga humok ang yuta sa naasuyng Lugar.
Nagpadayon ang clearing operations sa bahin sa Barangay Mabini, dakbayan sa Sugbo.
