Ubos sa padayong pagpaningkamot sa Probinsya sa Sugbo aron nga mapanalipdan ang industriya sa baboy nga dili mataptan sa African Swine Fever (ASF), aduna nay 16 ka local government units ang nakakuha og opisyal nga sertipikasyon sa Recognition of Active Surveillance-ASF (RAS-ASF) gikan sa Bureau of Animal Industry (BAI).
Diin, ang designasyon nagtugot sa mga local backyard hog raisers sa ilang mga nataran sa pagbaligya og mga hayop sa gawas sa ilang mga munisipyo nga dili mobayad sa extra testing fees o dugang nga mga health clearances.
Ang RAS-ASF nagsunod sa pagpaniid sa mga munisipyo ug mga siyudad diin ang mga sample sa dugo nagpakita og negatibo nga resulta sa virus.
Lakip sa mga sertipikado nga dapit mao ang:
Bantayan
Madridejos
Santa Fe
Pilar
Tudela
San Francisco
Poro
City of Carcar
City of Bogo, Cebu
Mandaue City
City Talisay
Liloan
San Fernando
Cordova
Tuburan
Liloan
Samtang ang dugang nga mga LGU, lakip ang Borbon, Tabuelan, Tabogon, San Remigio, ug Barili, nagsumite na og mga sample para sa pagproseso aron makuha ang ilang tagsa-tagsa ka mga sertipikasyon.
