VENEZUELA-Nanawagan ang pipila ka mga lider sa nasud ug mga tigpaniid sa eleksyon alang sa Venezuela nga ipagawas ang kompleto nga mga resulta sa eleksyon sa pagkapresidente.
Kini nunot sa pagkuwestiyon sa deklarasyon ni Presidente Nicolas Maduro nga nidaog siya sa pagkapresidente.
Wala magpapildi ang kampo sa kandidato sa oposisyon nga si Edmundo Gonzalez ug niinsister nga midaog gihapon sila sa piniliay.
Sa inisyal nga pahayag sa National Electoral Council (CNE) si Maduro nakadaog og 51 porsiyento sa boto samtang si Gonzalez nakakuha lang og 44 porsiyento.
Sa pakigpulong sa 61-anyos nga si Maduro nga andam siyang mamuno pag-usab sulod sa unom ka tuig gikan sa 2025 ngadto sa 2031.
Hinungdan nga nanawagan ang Sekretaryo-Heneral sa United Nations nga si Antonio Guterres, alang sa tibuuk nga mga resulta nga ipagawas alang sa transparency.
Sa 2013, si Maduro unang namuno human sa kamatayon sa presidente nga iyang gipulihan,nga si Hugo Chavez.
