CEBU – Pipila na ka mga kadalanan sa amihanan nga bahin sa syudad sa Sugbo, gumikan sa nagpadayon nga pag-uwan subay sa Bagyong Agaton ug Basyang.
Sa Sitio Canlagang, Barangay Don Gregorio Antigua, lungsod sa Borbon, probinsiya sa Sugbo, ang dili na maagi-an ang kadalanan gumikan sa pagpangliki niini, samtang grabi nga pagbaha usab ang nasinati sa Pajo, lungsod sa Tabuelan.
Samtang, nakatala usab ug minor landslide sa Barangay Das, syudad sa Toledo, habagatan nga bahin sa Sugbo, diin nakamugna kini ug pagkagusbat sa pipila ka mga panimalay.
Nakatala usab ug pagpangliki sa mga kadalanan sa Jagbuaya, lungsod sa Tuburan, ingon man sa Tag-ube, lungsod sa Compostela.
Gawas sa pagkadaut sa mga kabtangan ug kadalanan, nakatala na usab ang probinsiya sa Sugbo ug mga casualty o mga nakalas nga kinabuhi subay sa nagpadayon nga pagkuso-kuso sa bagyo.
Basi sa Pagasa, ang padayon nga pag-uwan ang epekto sa gihapon ni bagyong Agaton gumikan sa kahinay sa pag-irog niini, samtang nakasulod na usab sa Philippine Area of Responsibility (PAR) pasado alas 10 kaganihang buntag.
