Pipila ka mga luxury vehicles ni Zaldy Co, nakuha na sa mga otoridad

Gikumpiskar na sa mga otoridad ang mga pipila ka mga luhong sakyanan ni kanhi Ako Bicol Party list Representative Zaldy Co.

Nakit-an ang giingong mga luxury vehicles ni Co sa usa ka parkinganan sa condominium unit sa Bonifacio Global City (BGC). diin anaa kini sa 15 ka mga sakyanan ang nakit-an sa nahisgutang parkinganan.

Sa pagkakaron, wala pa matino sa mga awtoridad kung kinsa ang tag-iya sa parkinganan ingon man ang condo unit sa naasoy nga building.

Si Co, bag-ohay lang nga gipasakaan og kasong plunder kalabot sa anomalous flood control projects ug kasamtangan pa gihapon kini nga gawasnon ug gituohan nga anaa sa gawas sa nasud.

Ingon man nga gihatagan nalang siya hangtod sa Enero 15 aron magsumiter sa iyang counter-affidavit.