Gibutyag ni Cardinal Pablo Virgilio David nga daghang mga magbabalaod ang miduol kaniya ug mikumpisal sa ilang kalambigitan sa mga anomaliya sa mga proyekto sa flood control projects.
Matud niini nga nangayo sila og espirituhanong giya alang sa ilang nahimo.
Gidugang pa sa Catholic Bishops’ Conference of the Philippines (CBCP) president ug Kalookan bishop nga dako ang pagmahay sa mga politiko nga nalambigit sa halapad nga kurapsyon sa nasud.
Adunay mga higayon nga ang ilang konsensya dili motugot kanila nga pahilomon busa niduol sila sa Bishop.
Ingon man nga wala gibutyag sa Cardinal ang mga ngalan, apan ang mga miduol kaniya gikan sa Senado ug sa House of Representatives.
Matud pa niya nga daw nakamata na silang tanan ug nasakitan usab tungod sa ilang gibuhat.
Kahinumdoman nga makadaghang higayon nga nanawagan si David sa kagamhanan nga hingusgan pa ang kampanya batok sa kurapsyon.
