Gikatahong daghang mga mayor gikan sa ikalima nga Distrito sa Cebu ang nangayo og Foreign Travel Authority (FTA) gikan sa Opisina sa Gobernadora pipila ka adlaw sa wala pa ang Bagyong Tino mihapak sa probinsya niadtong sayong buntag sa Martes, Nobyembre 4, 2025.
Kini ang gikumpirmar ni Atty. Restituto “Resti” Arnaiz, legal counsel sa Opisina sa Gobernador, nga ang mga hangyo gisang-at tungod sa personal nga mga hinungdan sa unang semana sa Nobyembre.
Ingon man nga gipirmahan ug giaprobahan ni Cebu Governor Pamela Baricuatro ang mga hangyo.
Apan, giklaro ni Arnaiz nga mahimo ra niya kumpirmahon ang pag-aprubar ug dili na niya maasoy kung tinuod pa nga mibiya sa nasud ang mga mayor.
Gitataw niini nga kinahanglang mangayo og pag-aprubar sa gobernador ang mga local chief executives alang sa personal ug opisyal nga mga biyahe.
Hilabi na nga giingong personal ang katuyoan ug dili opisyal busa, gihimug-atan usab niya nga ang mga gasto sa pagbiyahe wala giabaga sa pondo sa gobyerno.
