CEBU CITY — Gikumpirmar ni Carbon Public Market Administrator Junil Matuguina nga adunay pag-abuso sa pipila ka mga naninda sa Carbon partikular na sa produktong landang human nga sobrang nagmahal ang presyo niini.
Matod ni Matuguina nga adunay na-imbarguhan og paninada og gipatawag sa buhatan sa market administrator.
Aduna matod pa’y usa ka vendor nga ni-angkon nga nagpa-mahal sa iyang baligya diin mo-abot sa P400 ang matag kilo sa landang.
Subay niini duha ka adlaw nga ma-suspenso ang maong manindahay.
Segon kang Matuguina nga nga dili palabyon sa iyang pamunu-an ang mga abusado og mga bakakon nga manindahay og pwede pa gyud kini nga ma-ban sa pagpamaligya sa Carbon Public Market.
Nasayran nga sa regular nga adlaw, mokabat sa P90 ngadto na sa P110 ang matag kilo sa landang samtang P150 ang matag kilo kung anaa sa special nga season nga taas ang demand sa maong produkto.
