Nagpahigayun og rally ang pipila ka mga party-list groups nga misalmot sa National and Local Elections karong tuiga, atubangan sa Kapitolyo kagahapong adlawa, Mayo 14, 2025, kini human sa gi-ingung pagpanikas sa adlaw sa piniliay.
Nanawagan ang mga raliyesta sa gi-ingung dili maayu nga resulta sa piniliay, tungod sa mga problema sa Automated Counting Machines ug pagpatuman sa gi-ingung dili saktong Manual Counting ug transmission.
Matud pa sa 2nd nominee sa Kabataan Party-list nga si Jose Paulo Chavez, nga aduna silay nakuha nga mga impormasyon nga adunay mga higayun nga dili mo basa ug tarung sa resulta ang mga ACMs.
Dugang pa niini nga moabut sa 5,000 ka mga kaso ang nakuha sa Election watchdog “Kontra Tikas” nga adunay kaso sa vote buying ug vote selling diin usa-kalibo niini ang verified.
Nanawagan usab kini nga iduso ang manual counting ug election transmission aron masiguro ang accuracy sa maong piniliay. | Bombo Nathaniel Sandoval
