Gikompirmar sa Doctors Without Borders nga aduna silay mga kauban sa Thailand ug Myanmar nga andam mosalmot sa humanitarian activities alang sa mga biktima sa kusog nga linog.
Matod ni Regina Layug Rosero, Communications and Liaison Officer sa grupo, nga ang mga sakop sa ilang organisasyon mahimong makatubag sa panginahanglan sa higayon nga mahatagan na sila og clearance.
Hangyo lamang sa grupo kay ang pag-apruba sa daling panahon sa ilang pag-access alang sa mga personahe ug mga suplay nga magamit sa mga kritikal nga lugar.
Nagtuo ang mga doktor nga ang panahon mao ang labing hinungdanon sa pagluwas sa mga naapektuhan sa mga katalagman, ilabi na kadtong anaa sa sektor nga huyang o kadtong adunay mga sakit, mga tigulang, mabdos, ug mga baldado.
Gikataho usab sa Doctors Without Borders nga luwas na ang tanan nilang miyembro nga nakabase sa nasangpit nga mga nasud.
