Nasagmuyo ang pipila ka mga Overseas Filipino Workers o OFWs sa Brunei atol sa pagbisita ni Presidente Ferdinand Marcos Jr., tungod kay daghan og kakuliyang arun makakita lang sa Presidente.
Sa pakighinabi sa Bombo Radyo Cebu kang Leizl May Fuentes Alejandro, gipaambit niini nga kinahanglan pa nga magparehistro ug ipa-print ang nasangpit nga rehistrasyon.
Dugang pa ni Alejandro nga gawas sa kasagmuyo nga ilang nabati, adunay kahinam nga ilang nabatyag apan, tungod sa gilatid nga mga lagda butang nga giingong nakapasagmuyo sa pipila ka mga Pinoy nga nanghinaot nga makakita kang Marcos.
Gani, gitandi ni Alejandro ang kasamtangang Presidente sa Kanhu diin dali ug wala’y hasol ang nahitabong state visit niini.
Hinuon, mapasalamaton gihapon si Alejandro sa gobyerno sa Pilipinas sa maayong relasyon sa gobyerno sa Brunei, nga ilang natagamtaman pinaagi sa maayong trabaho ug maayong suholan.
