Nilabay na ang kapin sa buwan human nga niigo ang makagun-ob nga 6.9 magnitude nga linog sa Amihanang bahin sa Sugbo, diin ang Sitio Laray, Barangay Binabag, Bogo City, Cebu, mao ang labing naapektohan nga dapit, ug nakalasan og dili mominus 15 ka mga indibidwal.
Personal nga nakigsusi ang Bombo Radyo Cebu team bisan paman sa mga hilit nga dapit, aron masuta kung unsa na ang kasamtangang sitwasyon sa mga kaigsuonan nga nagpabiling nagbangutan sa ilahang nasinatian.
Subay niini, personal nga nahinabi sa team si Selvestre Ytang, usa sa mga residente nga lagmit ma disgrasya atol sa linog, ingun man ang apohan sa 17 anyos nga bata kinsa disgrasyang namatay human nga giluwas ang iyahang kaugalingong igsuon atol sa linog.
Gikabutag ni Ytang nga sukad sa maong panghitabo, walay puas ang ilahang hinabang nga dawat ilabi na ang mga pagkaon, gikan sa nagkadaiyang buhatan sa gobyerno ug bisan sa mga pribadong sector nga personal usab nga nitunol sa ilang kinasing-kasing nga hinabang.
Busa, mapasalamaton si Ytang niini ilabi na nga ang ilahang panginabuhian, usa sa labing naapektohan sa maong trahedya kay hangtud karon, wala pa nabalik sa na andam ingun man dili pa normal ang ilahang panginabuhian.
Nunot niini, buot ni Ytang nga manawagan sa mga naa sa katungdanan sa gobyerno o si bisan kinsa nga makahatag kanila og materyales aron makahimo sila og kapuy-an, ug dili na sila magmantinil sa gision nga tent, salibo nga dapit hangtud sa hangtud.
Napaambit usab niini nga adunay yuta nga gitanyag ang ilang barangay Kapitan ug matud nila nga paabangan matag buwan o bakaha data-datahan.
Apan, gikabalak-an sa mga lumulupyo kung asa sila og ibayad tungod kay gawas sa namatyan, apektado usab ang ilang panginabuhian.
