-- ADVERTISEMENT --

Gibutyag ni Atty. Richard Anthony Fadullon, ang Prosecutor General sa National Prosecution Service, nga gawas sa magtiayong Discaya, pipila ka mga testigo nga miduol sa Department of Justice ang giingong ‘selective’ usab.

Nagtuo si Prosecutor General Fadullon nga pipila sa mga testigo wala pa makapadayag sa ilang hingpit nga kahibalo kalabot sa anomaliya sa flood control projects.

Matod pa niya, ang uban sa mga testigo magpili og mga ngalan nga ilang ilambigit sa isyu sa kurapsyon.

Dugang pa, gitawag kini nga selective memory o selective amnesia tungod kay kalit makalimot ang uban kanila kung pangutan-on kung kinsa ug pila ang ilang nahibal-an.

Subay niini, gipahibalo ni Prosecutor Fadullon nga dili sila motuo dayon sa mga testimonya nga ipasa sa mga saksi nga nangabot.

-- ADVERTISEMENT --

Matod pa niya nga moagi pa sila og proseso sa evaluation aron masuta ang mga detalye ug impormasyon, kon modayon ang kaso ug madala kini sa korte.