CEBU CITY-Tangtangon na sa bag-ong K to 10 curriculum o matatag curriculum sa Department of Education ang subject nga Mother Tongue (MTB).
Ang bag-ong kurikulum magpadayon sa paggamit sa lumad nga pinulongan isip medium sa pagtudlo, apan dili na kini itudlo isip bulag nga subject.
Ubos sa Matatag curriculum, ang Grade 1 students adunay lima ka mga subjects, ang Language, Reading and Literacy, Mathematics, Makabansa, ug Good Manners and Right Conduct (GMRC), sukwahi kaniadto nga pito, ang mother tongue, Filipino, English, Mathematics, Araling Panlipunan, MAPEH ug Edukasyon sa Pagpapakatao.
Mapuno usab ang Science subjects sa unang lima alang sa mga Grade 3 students.
Gikan sa Grade 4 hangtod sa Grade 10, adunay walo ka mga subjects, ang Filipino, English, Science, Mathematics, Araling Panlipunan, MAPEH, Technology and Livelihood Education (TLE) ug GMRC.
Ang revised curriculum kay ipatuman sa Kindergarten, Grades 1, 4 ug 7 sa school year (SY) 2024-2025; alang sa Grades 2, 5 ug 8 sa SY 2025-2026; sa musunod nga school year alang sa Grades 3, 6 ug 9; ug sa katapusang tuig sa administrasyon, SY 2027-2028 sa Grade 10.
Gitinguha sa ahensya nga hingpit nga mapatuman ang Matatag curriculum sa umaabot nga tuig 2028.
