CEBU – Pipila sa mga progresibong grupo ang nipahigayon og lihok protesta aron ikondenar ang nahimong resulta sa eleksyon.
Apan adunay pipila ka mga residente ang wala mouyon sa maong kalihokan ilabi na kasagaran sa mga nisalmot niini mga batan-on.
Matod pa ni Diosdado ‘Dadoy’ Arcayan, residente sa Barangay Busay atol sa eksklusibong pakighinabi sa Bombo News Team, nga angayan nang dawaton sa katawhan ang resulta sa eleksyon gumikan wala na silay mahimo niini gumikan ang mayorya ra usab ang nagpili sa nakadaug nga kandidato.
Gihimug-atan ni Arcayan nga angayan nang hunongon ang mga lihok protesta gumikan makamugna lamang kini og komosyon sa mga nagkadaiyang grupo.
Dugang pa ni Arcayan nga angayang huwaton ang mga programa ug pamaagi sa nakadaug nga kandidato una pa kini sawayon ug tino niini ngahatagan una kini og tyansa dili kay wala pa gani kalingkod nihimo na og mga lihok protesta.
