NAGA CITY, CEBU- Nasamdan ang dili moubos sa lima ka tawo human nabangga-an sa usa ka sedan ang usa ka pampasaherong jeepney sa Brgy. Tuyan, Naga City, Cebu karong adlawa, Lunes, Marso 9, 2026.
Nakuha sa CCTV footage ang kusog nga bangga tali sa duha ka sakyanan.
Gituohan nga daghang pasahero ang sakay sa maong pampasaherong jeep.
Aduna usay usa ka inahan nga nagkugos sa iyang anak uban sa duha pa ka mga bata nga nag-atang og sakyanan daplin sa dalan diin nahitabo ang insidente.
Sa laing bahin, dali usab nga nakaresponde ang medical team sa Naga City ug gidala ang mga biktima sa duol nga tambalanan alang sa pag-atiman.
Padayon karon nga giimbestigahan sa mga awtoridad ang maong insidente,
Sa pagkakaron, padayon pang gikab-ot sa sibyaanan ang mga hingtungdan aron masuta kung adunay namatay sa maong aksidente.
