CEBU – Sigurado na makaginhawa og gamay mga motorista sunod semana gumikan sa posibilidad ug gilauman ang usa ka bigtime oil price rollback o dakong pag-ubos sa presyo sa lana.
Gumikan niini eksklusibong gikahinabi sa Bombo Radyo Cebu ang Pinagkaisang Samahan ng mga Tsuper at Operator Nationwide (PISTON)-Cebu chapter coordinator nga si Greg Perez.
Atol sa pakighinabi, gibutyag ni Perez nga nakahibaw na kini sa dakong pagsaka ug pagminus sa presyo sa produktong petrolyo diin matod pa niini usa kini ka maniubra sa mga capitalista o mga negosyante ug sa konsabe sa cartel sa lana.
Matod pa ni Perez nga mamahimo ra gyud nga paminusan og pasak-an sa mga negosyante ang presyo pinaagi na usab pagsabot-sabot sa pipila ka negosyante, opisyales og sa nagkadaiyang cartel sa lana.
Gitawag usab niini ang presyohan sa lana sa nasod nga usa ka dakong abnormalidad diin gihimo pa niining raso ang panagbangi tali sa duha ka nasud nga Russia ug Ukraine.
