BOHOL-Gikondenar sa Philippine Nurses Association (PNA) – Bohol Chapter ang pagdunggab sa usa ka nurse sulod sa tambalanan sa dakbayan sa Tagbilaran, Bohol.
Miawhag ang grupo sa pagpanawag sa hustisya sa kamatayon sa 51-anyos nga nurse ug ingon man proteksyon sa mga healthcare workers.
Sa post sa official social media account sa grupo nga matod nila ilang gihingusog ang brutal nga krimen nga nabuhat sulod pagud sa tambalanan ug nagbangotan kini sa pagtaliwan sa ilang kauban.
Dugang pa nga nangayo pud kini ug dugang proteksyon bahin sa mga healthcare workers alang sa mas luwas nga work environment.
Ingon man nga ang PNA-Bohol Chapter nagpaabot sa ilang pahasubo ngadto sa pamilya sa biktima tungod kay nanawagan usab sila sa iyang panumduman nga magsilbi nga pahinumdom sa panginahanglan sa pagpanalipod sa mga healthcare professional nga nagpameligro sa ilang kinabuhi sa pagserbisyo sa publiko.
Ang PNA-Bohol Chapter misaad nga suportahan ang mga paningkamot sa pagpangita og hustisya alang sa nars ug pagduso sa mga reporma nga magsiguro sa kaluwasan sa mga healthcare workers sa mga ospital.
