Cebu City-Aduna nay duha ka Persons of Interest ang Cebu City Police Office Task force Ungab kalabot sa ilang nagpadayon nga imbestigasyon sa kaso sa pagpatay sa abogadong nga si Atty. Jonnah John Ungab.
Matud kang Police Sr. Inspector Jonatahan Taneo, ang hepe sa homecide section sa CCPO ,nga basi sa kopya sa cctv footage nga nakuha nila sa nahitabuan sa krimen natumbok ang duha nga wala pa gipanganlang persons of interest.
Base sa kuha sa cctv nga gawas sa gunman adunay pay laing lalaki nga nagmatyag na sa Cebu City Palace of Justice kung diin mitambong sa hearing si Atty. Ungab sa wapa kini pusila.
Gawas sa spotter ug sa gunmam, gisuta pa sa mga otoridad ang identity sa driver sa motorsiklo nga gisakyan sa gunman human sa krimen.
Samtang gi-angkon usab sa National Bureau of Investigation (NBI) nga nagkalisod sila nga makakuha og mga witnesses.
Matud ni Atty. Patricio Bernales Jr. nga hangtud akron wala pay mipatim-aw nga eye witness sa insidente.
Subay niini, nanawagan si Bernales sa mga naa mismo sa crime scene nga makig-alayon sa NBI o sa Task force Ungab para nga dali nga maresolba ang nahisgutang krimen.
