CEBU – Personal nga mibista sa Bombo Radyo Cebu ang mga sakop sa Philippine National Police (PNP) Aviation Security Group aron paghatag og kasayuran kalabot na sa ilahang buhatan.
Sa ekskusibong pakighinabi kang Police Patrolman Gerld Garan, ang Assistant Police Community Relations sa Mactan-Cebu International Airport Police Station , gipa-ambit niini kung unsay trabaho o tumong sa PNP Aviation Security Group.
Matod pa ni Garan nga tinguha sa PNP Aviation nga mamintinar ang kalinaw, kaluwasan ug kahapsay sa tibuok tugpahanan sa tibuok nasod.
Atol sa pakighinabim gipahibawo ni Garan nga gibalhin na sa Terminal 1 ang domestic flights.
Gawas niini, subli usab kining mipahimangno sa pag-amping kanunay kung mobiyahe, likayan ang pagdal og mga deadly weapons, kanunay nga bantayan ang mga bagahe ingon mga likayan ang paghisgot kabahin sa bomba o bomb threat aron malikayan ang bisan unsang matang sa kasamok.
