METRO MANILA-Gimanduan sa hepe sa Philippine National Police (PNP) nga si Police Gen. Rommel Francisco Marbil ang tanang police units nga motubag sa 911 emergency calls sulod sa tulo ka minuto.
Gianunsyo kini ni Marbil, nga giingong kabahin sa paningkamot sa PNP nga pakusgon ang kaluwasan sa publiko ug masiguro nga matubag dayon ang mga tawo nga anaa sa peligro.
Matod ni Marbil, ang matag Pilipino kinahanglang alagaran sa kapolisan bisan unsa pa ang ilang nahimutangan o kahimtang.
Dugang pa niya, ang gi-revitalized nga 911 hotline dili lang usa ka technological improvement kondi importante kini nga bahin sa ilang misyon nga himuong luwas ug suportahan sa PNP ang matag komunidad.
Sa bag-ong sistema, gipasiugda ni Marbil ang kamahinungdanon sa kaandam sa PNP sa pagtubag sa mga emerhensiya.
