CEBU CITY-Gidasig ni PNP Chief Ronald “Bato” Dela Rosa ang iyang mga sakop ug gitambagan nga dili magpa-apekto sa mga kritisismo nga ila karon nga gi-atubang ilabina sa subsub nga kampanya sa iligal nga drogas kung diin gi-kwestyon na karon ang credibilidad ng mga pulis. Kini kalabot na usab sa pagkamatay ni Kian Loyd Delos Santos.
Sa iyang pagbisita sa Cebu isip guest sa 116th anniversary sa Police Service sa Police Regional Office-7 gidayeg niini ang nindot nga performance nga gipakita sa (PRO7),ilabina ang mga units niini nga gipasidunggan sa Campo Crame sa anibersaryo sa PNP service.
Matud ni Bato nga walay angay ikahadlok ang mga pulis sa pagpatuman sa ilang balaud basat lang haom kini sa saktong proseso. Gitambagan niya kini nga dili musundog sa mga police sa Luzon nga muplanter og shabu ug armas para ingnon nga adunay gihimo para sa anti illegal drugs war sa administrasyon ni Duterte.
Gipahinumduman usab ni Dela Rosa ang iyang mga sakop nga kinahanglan nga magtinarong sa ilang trabaho dili lang ilang kaugalingon apan hasta na usab ang umaabot nga henerasyon.
Gi-angkon usab sa PNP Chief nga gikasagmuyo niya nga halos kada-adlaw nalang adunay mga PNP nga nalambigit sa iligal nga kalihokan.
Gimando usab niya nga gawas sa mga kriminal ug tigpayuhot og iligal nga drogas dakpon usab ang mga police scalawags.Gisiguri usab niya nga dili sila muundang sa ilang kampanya bisan paman ug gamay nalang ang mga pulis nga magpabilin basta lang tarong kini.
