Nakatutok karon ang imbestigasyon sa Philippine National Police (PNP) kung kinsa ang hitman nga ginontak ni Bise Presidente Sara Duterte nga gitahasan nga mopatay kang Presidente Ferdinand Bongbong Marcos Jr., 1st Lady Liza Marcos ug House Speaker Martin Romualdez kon gani una siyang ipapatay.
Kahinumdoman nga bug-at nga mga pulong ang gibuhian sa bise presidente sa dihang nagpahigayon siya og virtual media briefing.
Apan matod ni Duterte, dili kini direktang hulga tungod kay matud pa niya ukbon ang lawas ni kanhi Presidente Ferdinand Marcos Sr. ug ilabay sa West Philippine Sea, diin wala magpasabot nga iya gayud kining buhaton.
Samtang, giklaro ni CIDG Director PBGen Nicholas Torre III nga ang direktiba ni PNP Chief Gen. Rommel Francisco Marbil ang imbestigahon sa maong panghitabo ang imbistigahan ug dili ang bise presidente.
Sa pagkakaron, nagsugod na ang CIDG sa ilang motu propio investigation sa maong insidente.
Ug nimando na ang DOJ sa NBI nga ipatawag si VP Sara Duterte aron ipasabot ang iyang assasination remark batok sa PBBM, First Lady Liza Marcos ug House Speaker Martin Romualdez.
Ingon man nga wala pa silay nakuptan nga bisan unsang impormasyon kalabot sa hulga niini.
Una niini, miluwat usab og pamahayag si Presidente Ferdinand Marcos Jr., diin ni-alma kini sa pamahayag ni VP Sara Duterte.
Matud niini nga ang pagpanghulga sa Bise Presidente sa planong sayon nga pagpatay kaniya kay nagpakita nga mamahimo usab ni Sara sa ubang simpleng Pilipino.
Samtang, mipagawas usab og komento si kanhi Presidente Rodrigo Duterte kalabot sa hulga sa iyang anak nga si Sara.
Diin matud niini nga binata ang nahimong pagpanghulga ug gihimug-atan niini nga nadala kini sa kainit sa ulo ug emosyon.
